Húsavíkurjógúrt eða timbur.

Hef aldrei skilið hvers vegna byggingavörur ,áburður og þannig vörur skuli ekki meira flutt milli landshluta með skipum.Dagvara verður alltaf flutt með bílum að sjálfsögðu.Skip væru meira notuð ef að flutningabílarnir myndu þurfa að borga fyrir slit á vegunum.Þarna er í raun um niðurgreiðslu á landflutningum að ræða. Gott mál .Verndum vegakerfið og notum strandflutninga miklu meira.

Strandsiglingar álitlegar

Athugasemdir

[krumminn, 5.6.2010 kl. 12:33]

Góðan dag, já svona umræða er mjög þörf og góð. En því miður á villigötum vegna þess að það er ætið bara tekin önnur hliðin.

Ein af staðreyndum er sú að í dag greiða engir meiri skatta vegna notkunar á vegum en stóru bílarnir, en því miður þá kemst ríkisvaldið upp með að nota þessa fjármuni í flest annað en vegi.

Önnur staðreynd er sú að ef og þegar Gamla loforð Kristjáns Möller um strandsiglingar verður að veruleika þá munu flutningsgjöld á bílum hækka umtalsvert vegna meiri aksturs á tómum bílum um landið.

Þriðja staðreyndin er sú að strandsiglingar geta ekki gengið nema með styrkjum og þá gefur auga leið að á sama tíma verður að styrkja landflutninga, og sennilega er það eina raunhæfa leiðin til að jafna stöðu þeirra sem búa lengst frá Reykjavík.

Hitt væri öllu betri kostur að beina skipum til og frá landinu á fleiri hafnir þannig mætti brjóta upp það ofurvald sem Reykjavíkurhöfn hefur.