7.8.2010 | 23:02

Grunaði þá ekkert hvað væri í gangi hjá bönkunum ?

Tekið úr Pressunni þann .............20. mars. 2010

¨"Vilhjálmur Bjarnason: Endurskoðendur eru í algerri afneitun á sínum þætti í h

Formaður Samtaka fjárfesta, Vilhjálmur Bjarnason, segir endurskoðendastéttina vera í algerri afneitun á sínum þætti fyrir hrunið. Hann segir endurskoðendur líta þannig á að þeir hafi fylgt öllum reglum þegar vafasamir ársreikningar voru samþykktir.

Vilhjálmur tók til máls á fundi Félags viðskipta- og hagfræðinga í liðinni viku. Þar var framtíð íslensks fjármálamarkaðar rædd og komu framsögumenn með sína sýn á næstu árum íslensks viðskiptalífs. Vilhjálmur var talsvert gagnrýnin á þróun mála síðastu mánuði. Hann segir setningu neyðarlaganna á haustmánuðum 2008 hafa bjargað því sem hægt var og komið í veg fyrir að samfélagið færi í rúst.

Síðan neyðarlögin voru sett hefur að hans mati þó lítið þokast í rétta átt. Vilhjálmur talaði um að hann vildi sjá einstaka stofnanir ráðast í ýtarlega naflaskoðun á sínum vinnubrögðum og benti sérstaklega á endurskoðenda stéttina. Hljóðið virkaði þungt í Villhjálmi þegar hann brá sér upp í pontu;

Endurskoðendur eru í algerri afneitun á sínum þætti í falli bankanna, þeir virðast líta svo á að allt sem gert var sé í fullu samræmi við lög og reglur. Væntingar mínar til endurskoðenda eru ekki miklar þessa stundina.

Í samtali við Pressuna sagðist Vilhjálmur undrandi á því að ekki einum einasta endurskoðanda skuli hafa verið stefnt eftir fall bankanna. Þeir hafi samþykkt ársreikningana athugasemdarlaust og þannig augljóslega brugðist sínu hlutverki;

Hver er ábyrgð þeirra á ársreikningum sem þeir hafa skrifað upp á sem ljóst er að ekki stóð steinn yfir steini á. Í lögum um hlutafélög kemur orðið endurskoðandi fyrir rúmlega 40 sinnum! Það er talað um að breyta þurfi lögum og reglum en það þýðir ekkert ef menn breyta ekki vinnulaginu.

Vilhjálmur rifjaði einnig upp athugasemdir sínar við ársreikninga FL group sem hann kom margoft fram með á hlutahafafundum félagsins;